Преводи од, за, и во Југоисточна Европa

Артикли

Печати

In memoriam – Даша Дрндиќ

626 dasa drndicСо големо жалење дознавме дека писателката Даша Дрндиќ, еден од најзначајните гласови на Југоисточна Европа, почина на 5. јуни во Риека.

Печати

Reading Balkans: Марко Погачар во Тирана

622 pogacarВо рамките на програмата „Reading Balkans“ хрватскиот поет Марко Погачар го помина април 2018 година како Writer in Residence во Тирана. Како гостин на издавачката куќа ПОЕТЕКА Погачар се запозна со алтернативната културна сцена на Тирана и појде на патување низ јужна Албанија за да собере нов материјал за неговиот патеписен есеј. На крајот од својот престој заедно со албанскиот поет  Aријан Лека изведе една работилница со студентите на универзитетот Марин Балети во Тирана, на која зедоа учество и други поети и преведувачи. Притоа стана збор за улогата на уметноста и книжевноста денес, за значењето на зборот, особено во однос на педесетгодишнината од Прашката пролет.

Печати

Јорданка Иванова Белева како резиденцијална стипендистка во Сплит

620 reading balkansВо рамките на резиденцијалната програма поддржана од ЕУ „Reading Balkans 2018“ здружението КУРС од Сплит во април ја поздрави бугарската авторка Јорданка Иванова Белева. За време на нејзиниот едномесечен престој таа се посвети на својата работа и се запозна со бројните културни аспекти на градот Сплит. Во разговор со Маријо Главаш и со преведувачката Ксенија Бановиќ на книжевната вечер Диску(р)сија им се претстави на читателите.

Печати

Александер Моиси и уметноста на совршеното умирање – читачко патување низ Косово

618 moissiОткако биографијата Moissi. Triest, Berlin, New York. Eine Schauspielerlegende на новинарот Ридигер Шапер за актерската „супер ѕвезда“ на раниот ХХ век Александер Моиси, објавена во 2000 година во берлинската издавачка куќа Аргон, сега излезе и на албански јазик во превод на Фериде Бериша во издавачката куќа ПА Приштина, авторот го започна читачкото патување низ Косово поддржано од ТРАДУКИ.

Печати

„Системска грешка?“ Вечер за политичкиот систем во Босна и Херцеговина и нејзиниот долг пат до европската нормалност

617 systemfehlerНа 22. мај 2018 година политологот Тобијас Флесенкемпер (Диселдорф) и историчарот д-р Николас Мол (Сараево/Париз) како приредувачи во разговор со Аднан Черимагиќ од берлинската иницијатива European Stability ја претставија неодамна во Шпрингер објавената збирка Das politische System Bosnien und Herzegowinas. Herausforderungen zwischen Dayton-Friedensabkommen und EU-Annäherung. Манифестацијата која се одржа во фондацијата Хајнрих Бел во Берлин ја водеше Хана Стојиќ, директорката на Традуки.