Преводи од, за, и во Југоисточна Европa
Печати

Панк-поезија-вечер со стипендистот во резиденцијалната програма Есад Бабачиќ во Сплит

.

546 babacicПо Мустафа Звиздиќ од Босна и Херцеговина во станот за автори на здружението КУРС во Сплит престојуваше Eсад Бабачиќ, писател и пеач на легендарниот панк бенд Виа Офензива. Тој се смета за еден од најоргиналните и најпознатите претставници на словенечката книжевна сцена. Како стипендист на резиденцијалната програма „Марко Марулиќ“ поддржана од ТРАДУКИ на 06. јуни во низата Диску(р)сија тој заедно со неговиот гостин Свето Далматински – коосновачот на хрватската панк-сцена и автор на бројни текстови графити-изреки – проговори за музиката, перформансот, поезијата и отпорот. Вечерта ја модерира Маријо Галваш.

Печати

„Pristhina has no river“: Екатарина Петрова и Динко Телечан на фестивалот на книжевноста ПОЛИП

.

545 panelВо мај организаторите на резиденцијалната програма поддржана од ТРАДУКИ „Prishtina has no river” им посакаа добредојде на писателот Динко Телечан (Хрватска) и на книжевната преведувачка, новинарка од областа на културата и толкувачка Екатарина Петрова (Бугарија). Обајцата гости, за време на нивниот четиринеделен престој учествуваа на меѓународниот фестивал на книжевноста ПОЛИП, што Ќендра Мултимедија секоја година го изведува во главниот град на Косово. Покрај презентацијата на книжевност, цел на фестивалот е зајакнување на довербата помеѓу земјите на истрауматизираниот регион на Балканот. Динко Телечан им се претстави на читателите најпрвин во рамките на еден поетски фестивал во Пеќ.

Печати

Zagreb Book Fest 2017

.

544 book festСо опширна програма  Zagreb Book Fest од 22. до 28. мај го оживеа културниот живот во главниот град на Хрватска. Фестивалот го организира издавачката куќа Љевак со финансиска поддршка од ТРАДУКИ и други партнери. Читањата и работилниците за деца, промоциите и новите изданија, разговорите со писателите од Австрија и други земји, филозофските и историските предавања и дискусии, како и филмските проекции и концерти привлекоа бројни гости и посетители од земјата и странство. Фокусот на третото издание на фестивалот беа книжевноста од Австрија и темата „фрагилност“.

партнери на проектот

traduki partners 2014 d